IMPACT

Contexto

IMPACT naceu como proxecto grupal da asignatura: unha app para a Axenda 2030 que quere achegar os Obxectivos de Desenvolvemento Sostible aos mozos. Traballamos en equipo e o reto era que a app fose atractiva sen caer no infantil.

Reto

Converter información sobre os ODS nunha experiencia próxima e participativa: retos, calendario de actividades, perfil e comunidade, cunha linguaxe visual que convide a interactuar.

Proceso

Investigación e conceptos. Estudiamos os ODS, referentes e tendencias de deseño para público mozo. O moodboard recolleu cor, tipografía e ilustración.

Bosquexos e navegación. Partimos de bosquexos a man do fluxo de inicio, rexistro e perfil, e despois definimos o esquema de navegación da app. Decidimos que o calendario se dividise en días e non en meses, cada día marcado polo seu obxectivo.

Personaxes. Deseñei e animei en After Effects os tres personaxes principais, coidando que fosen únicos e con carácter.

Cor e accesibilidade. Elixín con coidado a gama de cor da aplicación, pensando nas persoas con daltonismo.

Prototipo. O equipo montou o prototipo interactivo en Figma e probámolo con usuarios reais.

Personaxes animados

A miña achega máis destacada foi o deseño e a animación dos personaxes en After Effects. Os tres personaxes principais tiñan que ser únicos e transmitir a enerxía da app, así que traballei cada xesto, pestanexo e movemento para que resultasen próximos sen caer no infantil.

Probas

Fixemos probas de guerrilla con persoas de distintas idades e unha enquisa en liña con Google Forms. Os resultados serviron para axustar a navegación e a claridade da información.

Reflexión

Participar neste proxecto foi a miña primeira experiencia de deseño cun equipo de traballo real. Aprendín a deseñar interactividade en Figma, a combinala coa animación en After Effects e a aplicar criterios como a accesibilidade ou a heurística. E aprendín que un bo resultado depende da sintonía entre as persoas que o fan.