Novasilvasolidaria
Unha marca ficticia de xardinaría que converte os excedentes de sementes e materiais dunha empresa galega nun kit de horta infantil e nun xesto solidario: a totalidade do recadado dónase a unha causa de reforestación tras os incendios de Galicia.
Caso ficticio · Proxecto académico (TFG) · Cliente non real
Contexto
Novasilvasolidaria nace no verán de 2025, tras os incendios forestais en Galicia, como resposta á necesidade de concienciación ambiental. Horteca, a empresa de sementes na que se basea, é unha marca ficticia creada para o proxecto: non ten tenda física e é coñecida en tendas locais, pero non polo consumidor final.
Reto
Crear un produto educativo e lúdico que fomente valores de sustentabilidade e reforestación, e que ademais sirva como medio de recadación solidaria. O reto de comunicación era facerse un oco nun mercado con moitas propostas ecolóxicas nas redes e competir con grandes plataformas de comercio electrónico.
Proceso
Investigación. Análise de iniciativas similares (kits de horta, xoguetes educativos, packaging sustentable), tendencias de deseño orientado a público mozo e estratexias de comunicación de causas solidarias. Moodboards de cor, tipografía e ilustración, e revisión de materiais sustentables como o cartón reciclado e as macetas biodegradables.
Concepto. A narrativa xira en torno a «plantar esperanza», un xesto pequeno cun impacto positivo nos bosques de Galicia. A linguaxe visual combina formas simples e xeométricas con caras sorrintes en elementos naturais.
Decisións e descartes. Novasilvasolidaria non se plantexa como un xoguete, senón como un xesto solidario consciente, con valor decorativo, artístico e artesán.
Materialización. Estudo de formatos de caixa de cartón, deseño da maceta en 3D con Blender e probas de acabado.
Solución
O kit inclúe:
- Caixa ilustrada en cartón reciclado.
- Maceta de cerámica, máis acorde coa filosofía da marca.
- Sementes seleccionadas de plantas autóctonas.
- Tríptico con instrucións, curiosidades e espazo para rexistrar avances, calendario da planta, adhesivos e un mini difusor de auga reutilizable.
Ademais, desenvolvín a identidade de marca, o logotipo, a paleta, a sesión de fotografía do kit e unha landing page en Figma con sección de compra e integración coas redes sociais.
Patrón floral
Obxectivos do plan
Obxectivos ficticios fixados no TFG para dimensionar a estratexia: 200 vendas mensuais nos primeiros seis meses, 2.000 visitas mensuais á web e 200 clientes únicos no primeiro ano. Non son resultados medidos.
Conclusión
Novasilvasolidaria foi un proxecto que me permitiu saír do deseño gráfico estrito e adentrarme no deseño de produto. Deume liberdade creativa para ilustrar dentro dun marco contemporáneo, como o foron os incendios de Ourense.