Clínica Dental Domínguez
Dúas webs xemelgas para unha clínica dental e a endodoncia por derivación do seu especialista, con identidade, contacto e estrutura compartidos, e un dominio de bo posicionamento reconvertido en landing profesional.
Dúas páxinas xemelgas · Landing de endodoncia e home da clínica
Problema
A clínica necesitaba comunicar a especialización do seu endodoncista a dous públicos distintos: pacientes que buscan un tratamento e dentistas que derivan casos. Ademais, contaba cun dominio de bo posicionamento que non coincidía co seu nome comercial.
Diagnóstico
A análise da presenza dixital mostrou dúas identidades desconectadas: unha clínica xeral e unha landing dirixida ás derivacións. O dominio tiña posicionamento propio, pero ese posicionamento non reflectía o nome da clínica. Ademais, detectouse unha desviación de pacientes cara a outra clínica cun nome similar.
Decisións
Manter o dominio e darlle unha web propia. O dominio tiña bo posicionamento e a clínica precisábao.
Dúas páxinas xemelgas en lugar dunha soa web. O dominio non coincidía co nome da clínica. Dúas páxinas que comparten deseño, contacto e pé evitan dúas identidades contraditorias e manteñen o posicionamento do dominio.
A landing dirixese a dentistas, non a pacientes. A endodoncia é exclusiva e por derivación. A mensaxe, os pasos do protocolo e o modelo de derivación descargable están pensados para o dentista que envía o caso.
Mostrar o proceso, non só o resultado. O protocolo en tres pasos e os casos clínicos con radiografías secuenciais demostran o traballo e dan confianza a quen deriva.
Solución
Entregueí dúas webs en WordPress con deseño, maquetación e copy propios:
- Landing de endodoncia por derivación (endodonciapontevedra.com): titular centrado na endodoncia exclusiva, servizos, casos clínicos anonimizados, tecnoloxía (microscopio en todos os tratamentos e unidade 3D para casos difíciles), protocolo de derivación e contacto específico.
- Home da clínica: páxina xemelga, co mesmo deseño, contacto e pé.
Funciona porque cada páxina responde ao seu público sen contradicir á outra: o dentista atopa un canal de derivación claro e o paciente atopa a clínica onde pedir cita.
Resultado
Dúas páxinas xemelgas que reforzan a localización da clínica e melloran a súa presenza nas redes. A web presenta a clínica como un equipo e non como a consulta dun único profesional: fronte a un perfil nun directorio médico, agora ten identidade propia, co seu contacto, os seus servizos e a súa forma de traballar.
